தலையை
சாய்த்து சாய்த்து
கதை சொல்லுவாள்
ஐரின் பாப்பா
அவள் கதையில் வரும்
எல்லா விலங்குகளும்
பேசும் திறன் கொண்டவை
நரி புலியிடம் சொல்லியதாம்
புலியே புலியே என்னை
விட்டுவிடு
நான் பாவம்.
ஆமாம் நீ பாவம்
உன்னை நாளைக்கு
சாப்பிடுகிறேன் என
புலியும் போய்விட்டதாம்.
புலி எங்கே போனது
என்று ஒரு போதும் அவள்
சொல்வதில்லை
புலி மீண்டும்
எப்போதாவது வரலாம்
வராமலும் போகலாம்
அப்படியே வந்தாலும்
நாளை சாப்பிடுவதாய்
சொன்ன நரியை
மறந்தே போயிருக்கும்
–0OO0–
லிவி என்ற பூனை
ஐரின் குட்டியின்
எல்லா கதைகளிலும் வரும்
லிவி இல்லாமல் அவளால்
கதைகள் சொல்ல முடியாது
என்னுடைய எல்லா கதைகளிலும்
லிவி பூனைக்குட்டி
கண்டிப்பாக இடம் பெற வேண்டும்
லிவி பூனைக்குட்டி அவளுக்கு
முறுக்கு வாங்கி தரும்
வாக்கிங் கூட்டிச்செல்லும் என்றாள்
லிவி பூனைக்குட்டி
கதவின் பின்னாடி ஒளிந்திருப்பதாக
சொல்லி கதவை திறக்க
“மியாவ்” என்ற சத்தத்துடன்
வெளிவந்தார்
லிவி பூனைக்குட்டியாய்
மாறிப்போன அவள்
தாத்தா
(இது சென்னை சங்கமத்தில் வாசிக்கப்பட்ட கவிதை)
–0OO0–
குருவி என்றால் திவிலி
பொம்மை என்றால் மித்தி
முத்தம் என்றால் இத்துக்கோ
என அவளில் உலகம்
புதுவகை சொற்களால்
நிரம்பியது
நான் யார் என்று கேட்டால்
டிட்டப்பா
என்று சொல்லி
கண்சிமிட்டி குழையும் போது
தூக்கி முத்தமிடுவதற்கான
காரணத்தை நான்
சொல்வதேயில்லை
–0OO0–
பேசும் குரங்கு பொம்மையை
எப்போதும் கையில்
வைத்திருப்பாள்
ஐரின் பாப்பா.
அசிரியர் அடிக்கும் போது
அம்மா திட்டும் போது
என எல்லா இரவுகளிலும்
குரங்கு பொம்மை
பேசிக்கொண்டே
இருக்கிறது அவளுடன்
யாருக்கும் தெரியாமல்
If you enjoyed this post, make sure you subscribe to my RSS feed!
ஐரின் பாப்பா நல்லாயிருக்கா!
நல்லா இருக்கா அவ, மொங்கலுக்கு மேடம் பிஸியா இருப்பாங்கன்னு நினைக்கற. பின்னூட்டத்திற்கு நன்றிங்க
ஸாரி அடலேறு, ரொம்ப நாள் ஆயிருச்சு உங்கள் வலைபக்கம் வந்து. கலக்கல் கவிதை.இப்பவே பாக்கனும் போல இருக்கு ஐரின
பாக்கலாமே அதுக்கென்ன
அருமை.டிட்டப்பான்னா சித்தப்பாவா
பின்னூட்டத்திற்கு நன்றி. டிட்டப்பா= சித்தப்பா
என் மகளுடைய சிறுவயது நாட்களை பார்த்தது போல இருக்கிறது. நினைத்து நினைத்து சிரித்துக்கொண்டேன் இரண்டாவது கவிதையில் வரும் தாத்தாவை நினைத்து? யார் அந்த தாத்தா?
அந்த தாத்தா என் பெரியப்பா. ஐரினுடன் இருக்கும் போது அவருக்கும் ஐரின் வயது தான் என தோன்றும்.
Hi,
My sister given intro to this blog. nice . really enjoyed.
Can u post Irene photo.
Thanks for your first visit Juhee. convey my thanks anjana too.
//குருவி என்றால் திவிலி
பொம்மை என்றால் மித்தி
முத்தம் என்றால் இத்துக்கோ//
தமிழ், வளரும் மொழி என்றேன்
சிரித்தது உலகம்;
மழலை மறந்த முரட்டு உலகம்.
உங்களின் தொடர்ந்த ஆதரவிற்கு நன்றிங்க நண்பா.
மரப்பாச்சி பொம்மையுடன் ஐக்கியமானவர்கள் மீண்டும் ஐரின் பாப்பாவுடன் இணைந்துகொள்கின்றோம்.
வாழ்த்துக்கள் நண்பா.
பின்னூட்டத்திற்கு நன்றிங்க ஜனா. மரப்பாச்சி சிறுகதை முயற்சியின் முதல் சந்திப்பு இன்று நினைக்கையிலும் தித்திப்பு
really nice da, 1sec IRENE flashes infront of my eyes.. Thanks…
ah ha thats Irene
ஏய் புள்ள ஐரின்னு ஐயம் லவ் யு !!
இதே வார்த்தையத்தான் கெளதம் நானும் அண்ணாவும் அவள பாத்து சொல்லீட்டே இருப்போம், அப்ப அவமுகம் போற போக்கு இருக்கே, மிஸ் ஹெர் சோ மச்
ஹா ஹா ஹா … சோ கியூட்