இல்லாத மீசை

குங்குமசிமிழின் அடைபட்டிருந்த

நத்தை ஒன்று வெளியேறி

எனக்கான இடம் கொடு என்கையில்

சம்மதிப்பதாய் பாவனை செய்து

நாட்காட்டி தேதி கிழித்த பின்

சிலந்தி வலையில் மாட்டி விடுவீர்கள்

மீண்டு எழுகையில் நவயுக

பிரிதி எய்து அனைத்தின்

சாராம்சம் நீயென போதை

ஏற்றி பின் வசை பாடி

யாருமற்ற தனிமையின் பின்னிரவில்

தேனீக்கள் கூட்டமாய் கொட்டும்

என பயமுறுத்தி மீண்டும்

சிமிழிக்குள் அடைத்த பின் வீரமாய்

தடவிக்கொள்வீர்கள் இல்லாத மீசையை