மிக நீண்ட பயணம் இது

Posted: பிப்ரவரி 15, 2013 by அடலேறு in அடலேறு

Marriage_invitation

யூமாவின் மஞ்சள் வெயில் படித்த பிறகு திகட்ட திகட்ட ஒரு காதல் கதையை படிக்கவே இல்லை. இந்த முறை புத்தக திருவிழாவில் கூட மஞ்சள் வெயிலை விட ஒரு அழகான காதல் தொகுப்பை எடுத்து விட முடியுமா என தேடிக்கொண்டிருந்தேன். உளவியல்  காதலின் ரகசிய  போல., உளவியல் படிக்க ஆரம்பித்த பிறகு காதல் கிளர்ச்சியை தர வில்லை அதன் அழகியல் மட்டும் தான் இம்சிக்கிறது.

சென்னையில் இன்று காலை  நல்ல மழை., தரை முழுக்க சில்லென ஈரம் படிந்திருந்தது.  மழை இன்னும் விடவில்லை. அலுவலகம் போகும் நண்பர்களெல்லாம் போர்வையை இழுத்து போர்த்தி குளிருக்கு இதமாய் உறங்கிக்கொண்டிருந்தனர். கீரனூர் ஜாகீர் ராஜாவின் ‘அழியாத கோலங்கள்’ படித்துக்கொண்டிருந்தேன். காதல் நம்மை வசீகரிக்கும் போது எத்தனை அழகாயிருக்குமோ அத்தனை அழகு.,  நமக்கு நெருங்கியவர்களுக்கோ,., சம காலத்தில் நமக்கு மிக அருகில் பயணப்பட்டவர்களுக்கோ அவர்களின்  காதல் ஒற்றை தீற்றல் அனுபவத்தை பகிர்ந்து கொள்வதும்.  அது அந்த நாளையே அழகாக்குகிறது.

மச்சா, என்னோட சின்ன வயசு பிரண்ஸ் ரெண்டு பேரு 14 வருஷம் லவ் பண்ணி, நெக்ஸ்ட் மன்த் மேரேஜ் பண்ணிக்க போறாங்கடா என்று நவீன் சொன்னதும் தூக்கிவாரி போட்டது.ஏண்டா நம்ம செட்லயே எல்லாருக்கும் இப்பதான் 25-26 வயசு ஆகுது அதுல எப்டிடா 14 வருசம் லவ் பண்ணீருப்பாங்க உதார் விடாத என்றேன். சென்னையின் ஒரு மாதத்தில் நான்கு காதல்களை கழட்டி மாட்டும் திறமைசாலிகளுடன் நிறைந்தது எனதிருப்பு. நமக்கு 1000 பிகர் மடியும் மச்சி என சட்டை பட்டனை கழட்டி விட்டு திரிந்தவர்களை தான் பார்த்துள்ளேன்.14 வருட காதலெல்லாம் கனவிற்கு ஒரு கனவு வந்தால் தான் நடக்கும் என்னை பொறுத்தவரை.

தினகரனும், பூங்கோதையும் 6ம் வகுப்பிலிருந்து ஒன்றாய் படித்தவர்கள். என்னுடைய ஆறாம் வகுப்பு  பிஸாஷ் பேக் தான் ஓட்ட வேண்டும். இப்போது நினைத்துப்பார்க்கிறேன்., எப்படி உக்கார்ந்தாலும் மூன்று மாத்தில் பின்னாடி கிழிந்து போகும் என் ஆறாம் வகுப்பு அரை கால் நிஜாரும், வெள்ளை சட்டையும் என்னை பார்த்து சிரிக்க கூடும், தினாவும் பூங்கோதையும் நான் படித்த பள்ளிக்கு மிக அருகில் உள்ள பள்ளியில் தான் படித்திருக்கிறார்கள். ஒரு தடவை கூட அவர்களை பார்த்தில்லை. என் முன்னாடி தான் வெளிர் நீல கலர் சீருடையில் நடந்திருக்கவேண்டும். ஆண்கள் மேல்நிலைப்பள்ளியின் அவுத்து விட்ட அராத்து நாங்கள், ஒரு வேளை அப்போது பார்த்திருந்தால் கிண்டல் செய்திருக்கக்கூடும். அதனால் தான் பார்க்கவே இல்லை போலும்.  மழை பெய்யும் இந்த சத்தத்துடன் 14வருட காதலை திரும்பி பார்க்கிறேன்., இவர்கள் இருவரும் என்னை மெஸ்மரிசம் செய்கிறார்கள்.

எத்தனை விடியல், எத்தனை நாட்கள், எத்தனை விட்டுக்கொடுத்தல், எத்தனை காதலிருந்தால் இவ்வளவு நீண்ட அன்பு சாத்தியமாயிருக்கும்,இந்த காதல் சில்லென்று சாரல் பட்டுத்தெரிக்கும் இந்த காலையை அழகாக்குகிறது. சமரசம் செய்து கொள்ளாத அன்பின் கனங்கள் எப்போதும் நம்மை பிரமிக்க வைக்கின்றன., இவ்வளவு பெரிய அன்பின் கரங்கள் கிடைக்க பெற்றவர்கள் ஆசீர்வதிக்கப்பட்டவர்கள்.

சுஜாதாவின் டைம் மெசின் போல ஒரு கால கடிகாரம் இருந்தால் இந்த நீண்ட காதலின் ஆரம்ப நாட்களை பார்த்துவர ஆசை. கல் மரத்தின் மரக்காளான் பூத்திருப்பதை பார்க்கும் பரவசம் போல இருக்கிறது இவர்களின் காதல்.

நிச்சயமாக சொல்கிறேன் முகமறியா நண்பர்களின் காதலுக்காக என் அறையும்,  அறை நண்பர்களும் இத்தனை உற்சாகமாய் இதற்கு முன் இருந்ததில்லை.ஒரு காதல் வாழ்க்கையை அழகாக்குகிறது., ஒரு காதல் வாழ்க்கையை புரட்டிப்போடுகிறது , ஒரு காதல் நமக்கு எல்லாமுமாய் இருக்கிறது. காதலின் உட்சபட்ச உணர்ச்சிக்குவியல் அது நமக்கு எல்லாமுமாய் ஆகிப்போவது தான்.

மாரத்தானில் ஒடிவரும் நண்பனுக்கு தண்ணீர்பாட்டில் நீட்டும் கரங்கள் அன்பால் சூழப்பட்டது. அன்பும் காதலும் வாழ்க்கை அழகாக்குகின்றன ., நீண்ட காதலின் அன்பிற்காய் பூச்செண்டு கொடுக்கிறேன், இவர்கள் இன்னும் வெகுதூரம் போக வேண்டியவர்கள்.

( மேலே இருப்பது தினா, பூங்கோதையின் கல்யாண பத்திரிக்கை தான் )

பின்னூட்டங்கள்
  1. Nisha சொல்லுகின்றார்:

    Nice post Adaleru. such a wonderful love.

  2. Arun சொல்லுகின்றார்:

    பொறாமையா இருக்கு பாஸ்

  3. சம்பத் சொல்லுகின்றார்:

    Love makes life beautiful

  4. Anjana Sathurvethi சொல்லுகின்றார்:

    Soft and warm
    Sealed with care
    Sweet and kind
    Will ever share
    Brave and strong
    Yet so fair
    That is her
    She’s always there

    Sensitive
    to despair
    Harkens to
    others welfare
    Delicate
    she’s elsewhere
    Beautiful
    beyond compare

    If you meet her
    Best Beware
    She’ll steal your heart
    unaware
    Her name is Love
    This I swear
    There’s none like her
    anywhere

    — Beautiful love story

  5. Buvanesh Chandra சொல்லுகின்றார்:

    this makes me to turn my school days.. I missed her. you taken my sleep tonight

  6. Abdul Basith சொல்லுகின்றார்:

    “16 வருடங்களாக ஒன்றாக துடிக்கும்
    இரு இதயங்களின் சங்கமம்” . . .

    என்னுடைய வாழ்த்துக்களையும் அவர்களுக்கு பரிசளியுங்கள். அன்புடன் அப்துல்

  7. Ramkumar சொல்லுகின்றார்:

    உன் தமிழ் வரிகளில் அவர்களின் காதல் இன்னும் அழகாகவும் அர்த்தமுள்ள தாகவும்தெரிகிறது…

  8. Poongothaaii Tagore சொல்லுகின்றார்:

    Thanks to everyone for your wish. I m Poongothaaii Dhinakaran. Now ,ours is three heart in one beat, S we r blessed with cute little prince for our love . He is Adharvaa Dhinakaran.😊

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s