மண்ணின் மகத்தான ஆளூமை

Posted: திசெம்பர் 26, 2016 by நிலன் in நிலன்

nammalvar-rsk-2

2003ம் வருடம் இளம் விஞ்ஞானிகள் மாநாட்டில் நரைத்த தாடியுடன் மேல் சட்டைக்கு பதில் ஒரு பச்சை துண்டை மட்டும் போற்றிக்கொண்ட மெலிந்த தேகம் கொண்ட‌ ஒருவர் சாதரணமாக அமர்ந்திருந்தார்., பொள்ளாச்சி வட்டாரத்திற்கான நீர்பாசங்கள் குறித்து அரசுப்பள்ளி மாணவர்கள் பேசிக்கொண்டிருந்தார்கள். அன்றைய விருது மேடையில் அவர் ஆற்றிய உரை பிரசித்தமானது. உரங்கள் , ரசாயனங்கள் மண்ணையும் மனிதர்களையும் எப்படி பாழாக்கியது, அதன் பின்னான அரசியல், கேவலமான உழல்கள் என அடுக்கிக்கொண்டே போனார். இரண்டு மணிநேரம் பேசவேண்டியதெல்லாம் பேசி ஓய்ந்தது அந்த கரகரத்த நடுங்கும் குரல்.

தமிழக இயற்கை விவசாயத்தின் முன்னோடி. கோ. நம்மாழ்வார். இயற்கைய விளைஞ்ச அரிசிலயும், பருப்பலயும் பூச்சி இருக்கும், அப்படி இல்லன்னா அத திங்காதீங்க‌, பூச்சியும், வண்டுமே ஆகாதுன்னு விட்ட அரிசிய தின்னு என்ன ஆகப்போகுது., அது அரிசியிங்கய்யா, விஷம்.அவர் உதிர்த்த வரிகள் தான் இவை. நான் அவரை சந்திப்பதற்கு பலவருடங்கள் முன்னமே திராட்சை சாப்பிடுவதை நிறுத்திவிட்டார். திராட்சை கொத்துகள் கொடியில் மேலிருந்து கீழாக தொங்கும், அதற்கு மருந்து தெளிப்பது சவாலான காரணம், அதற்கு மாற்றாக ஒரு வாளியில் மருந்து கரைசலை நிரப்பி திராட்சை கொத்துகளில் முழ்கவைத்து எடுப்பார்களாம். அது மருந்தின் வீரியத்தை இன்னும் அதிகப்படுத்தும், என அவர் சொன்னது இன்னும் காதுகள் ஒலிக்கிறது.

பிடி கத்தரிக்காய், மரபணு மாற்றப்பட்ட விதைகள் , உரம், பூச்சிக்கொல்லிகள் மனிதர்களையும், மண்ணையும் மலடாக்குவதை பற்றி பலமணிநேரங்களுக்கு பேசியிருக்கிறார். இணையத்தில் தேடிப்பாருங்கள். ஒரு சாமானியனின் குரல் அரசுக்கு கேட்காத போது நீதிமன்ற கதவுகளை நம் மண்ணுக்காக தட்டியிருக்கிறார்.வேப்பிலை க்கான காப்புரிமையை பெற ஜெர்மனியில் உள்ள சர்வதேச நீதிமன்றத்தில் வாதாடி மீட்டு, வென்று வந்தவர்.நைட்ரஜன் சத்துக் குறைவுக்காக யூரியா போன்ற உரங்கள் மண்ணுக்குத் தேவை என வாதிட்டபோது, நமது பாரம்பரிய உழவுமுறையான பயிர் சுழற்சி உழவு மூலம் இயல்பாகவே மண்ணில் நைட்ரஜன் சத்து அதிகரிக்கிறது என்று நிரூபித்துக்காட்டியவர் நம்மாழ்வார்.

விவசாயி குழந்தை மாரிங்க, கட்டடம் கட்டறவ்ர் கட்டடம் சிதைஞ்சு போச்சுனா சாக மாட்டான். , ஆனா விவசாசி செத்துப்போயிருவான். பயிரு அவனோட புள்ள மாதிரி ., அரசாங்கம் அவங்களதான் பாத்துக்கனும், அவுங்க நிலத்துலயே ஓட்டைய போட்டு மீத்தேன உறிஞ்சி எடுத்துக்குவோம் சொல்றது விவசாயி ரத்தத்த உறிஞ்சி எடுக்கறதுக்கு சமம். அத பாத்துட்டு எப்படி சும்மா இருக்க முடியும் என புறப்பட்டு போனவர் போனவர்தான். மீத்தேன் எரிவாயு திட்டத்தை அரசு சமீபத்தில் கைவிட்டது நம்மாழ்வாரின் உண்ணாவிரதற்கு கிடைத்த வெற்றியாகவே பார்க்கிறேன்.

ந‌ம்மண்ணிலிருந்து கோடிகளில் ஊழல் செய்து பணம் சேர்த்தவர்களுக்கு மத்தியில் , இந்த மண்ணிற்காய், கிராமம் கிராமமாய் நடந்த சென்று இயற்கை விவசாயத்தை பரவலாக்கியவர் நம்மாழ்வார். முன்னீர்விழவு நிகழ்ச்சியில் கடைசியாக அவரிடம் பேசிய போது நீங்கள் எங்களுக்கு கிடைத்த வரம் என்றேன். காழுக்கடியில் இருந்த மண்ணை கையிலெடுத்து, மனுசன் செத்துப்போனா ஒருவாரத்துல புழு புடிக்கும், அந்த புழு மண்ணுக்கு வளத்த தரும் , மண்ணு மரஞ்செடி கொடிகளுக்கேல்லாம் உயிர் தருங்க. பிறந்த மண்ணுல உயிரா தங்கிறுனுங்க, அதான் வரம் என்று சொல்லி தன்னுடைய விழி சுறுக்கி சிரித்தார். எம்மண்ணில் உயிராய் கலந்து நிற்கும் நம்மாழ்வாரை அவரில் நினைவு நாளில் நினைத்துப்பார்க்கிறேன். எம் தலைமுறையின் முன்னத்தி ஏர் நீங்கள். பெருமையுடன் உங்களை நினைவுகூறுகிறோம். போய்வாருங்கள்.

Advertisements
பின்னூட்டங்கள்
  1. Sampath Kumar சொல்கிறார்:

    எவ்வளவு அற்புதமான மனிதர்.

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s